Shangxey xelq'ara ayrodromini partlatqan gumandar 8 yilliq qamaq jazasigha höküm qilindi

Muxbirimiz erkin
2017-02-17
Share

Xitayning shangxey shehiridiki bir sot mehkimisi jüme küni höküm élan qilip, 2016‏-yili shangxey pudung xelq'ara ayrodromigha qolda yasalghan bomba qoyup partlatqan gumandarni 8 yilliq qamaq jazasigha höküm qilghan. 2016‏-Yili 12‏-iyunda yüz bergen partlash weqeside 3 adem yarilan'ghan idi.

Saqchilar bombini 29 yashliq ju shingbeyning partlatqanliqini, bombining piwa botulkisigha sali'ut dorisi qachilap yasalghanliqini élan qilghan. Eyni chaghda ju shingbey ayrodromdiki ammigha qaritip 3 botulkiliq bomba atqan. Emma bombidin ikkisi partlap, biri partlimighan.

Firansiye agéntliqining jüme küni xewer qilishiche, mehkime ju shibeyning ilgiri shexsi turmush we we muhebbet mesiliside bezi ziddiyetlerge pétip qalghanliqini ilgiri sürgen.

Bezi közetküchilerning qeyt qilishiche, ju shingbeyning 8 yilliq qamaq jazasigha höküm qilinishi, xitay qanunining perqliq rayonlarda, perqliq ijra qilinidighanliqining tipik misaliken. Uyghur rayonida bomba yasap partlitish weqelirining hemmisi "Térrorluq" jinayitige kiridu.

Bu xil jinayet bilen eyiblen'gen gumandarlargha éghirlashturup jaza bérilip kelgen. Uyghur kishilik hoquq pa'aliyetchilirining qeyt qilishiche, bu xil jinayet sadir qilghan Uyghur gumandarlar ölüm jazasi yaki muddetsiz qamaq jazalirigha höküm qilinidiken.

Firansiye agéntliqining bildürüshiche, sot mehkimisi ju shingbeyning shexsi turmush mesilisi barliqini ilgiri sürgen bolsimu, emma uning rohiy késili barliqigha da'ir héchqandaq bir delil tépilmighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet