Shangxeydiki yéngi yilliq patiparaqchiliq 36 ademning jénigha zamin boldi

Muxbirimiz jüme
2015-01-01
Share

31- Dékabir shangxeydiki yéngi yilni tebriklesh pa'aliyitidin kélip chiqqan patiparaqchiliqta 36 adem ölgen, 47 adem yarilan'ghan.

Hadise shangxeyning chényi meydanigha yéngi yilliq chiragh-panuslarni tamasha qilghini we yéngi yilini kütüwalghini kelgen minglighan kishiler bir-birni qistashtin kélip chiqqan.

Xitayche we bashqa xelq'araliq axbaratlarning xewer qilishiche, 31- dékabir shu jay waqti kéche sa'et 11din 55 minut etrapida chényi meydanigha bérish üchün pelempeydin chiqiwatqanlar bilen yuqiridikiler kütülmigende türtüshüp ketken.

"Nyu-york waqit géziti" de neqil qilishiche, nöwette doxturxanida dawaliniwatqan shü famililik bir xanim mundaq dégen: shu chaghda men birining warqirighini anglidim, kishiler birdinla alaqzadiliship kétishti. Biz mijilip kettuq.

Melum bolushiche, pelempeyning yuqirisidikiler peske qarap siljighan, töwen tereptikiler birining keynidin biri yéqilishqan we dessilip ketken. Bularni héchkim tosup qalalmighan.

Netijide 300 mingdin artuq adem yighlighanliqi texmin qilin'ghan bu daghdughiliq pa'aliyet paji'elik halda xatimilen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet