Xitay tashqi ishlar yardemchi ministiri intizamgha xilapliq qilish bilen eyiblinip wezipisidin élip tashlandi

Muxbirimiz erkin
2015-01-02
Share

Xitay yardemchi tashqi ishlar ministiri jang kunshing wezipisidin élip tashlinip tekshürülüshke bashlighan. Xitay tashqi ishlar ministirliqining bildürüshiche, jang kunshing bu organdiki intizamgha xilapliq qilish bilen eyiblinip tekshürülüshke bashlighan 4 emeldarning biri iken.

Biraq jang kunshingning qaysi organ teripidin tekshürüwatqanliqi we néme ish qilghanliqi melum emes.

Jang kunshing shi jinpingning chériklikke qarshi turush herikiti mezgilide wezipidin élip tashlan'ghan bolsimu, biraq uning 2014‏-yili yanwarda iz-déreksiz yoqap ketken islandiyede turushluq xitay bash elchisi ma jishing bilen bolghan alaqisi bekrek diqqet qozghidi.

Xewerlerde körsitishiche, ma jishing yaponiyege ishpiyonluq qilghan. Xitay tashqi ishlar ministirliqi ma jishingning "Shexsi sewebler" bilen islandiyege qaytip barmaydighanliqini bildürgen. Biraq xitay axbarati hökümetni ma jishingning yaponiyege jasusluq qilghanliqini ashkara élan qilishqa chaqirghan idi.

Xitay tashqi ishlar ministirliqi torining xewiride körsitishiche, jang kunshingning wezipisini tashqi ishlar ministirliqi bayanatchisi chin gang ötküzüwalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet