Шаңхәй даирилири йеңи йил патпарақчилиқиниң доллар талишип келип чиққанлиқини рәт қилған

Мухбиримиз әркин
2015-01-02
Share

Шаңхәй даирилири йеңи йил кечиси шаңхәй вәйтәндә йүз бәргән патпарақчилиқниң доллар талишип келип чиққанлиқини рәт қилған. Шаңхәй җ х даирилириниң илгири сүрүшичә, доллар чечиш вәқәси парпарақчилиқтин кейин йүз бәргән.

Лекин шинхуа агентлиқи җүмә күнки хәвиридә, вәқәниң конкрет сәвәби техи ениқланмиғанлиқини, алақидар органларниң мәсулийәтни башқиларға артип қоюп қутулуши қийинлиқини билдүрди.

31‏-Декабир, шаңхәй вәйтәндики йеңи йилни күтүвелиш паалийитидә патипарақчилиқ йүз берип, аз дегәндә 36 адәм өлгән, 49 адәм яриланған. Өлгәнләрниң мутләқ көп қисми аяллар. Шаңхәй шәһәрлик һөкүмәт җүмә күни вәқәдә өлгән 32 кишиниң тизимликини елан қилған.

Дәсләпки хәвәрләрдә ашкарилинишичә, бир киши адәмләр топиға доллар чачқан, доллар талишип келип чиққан патипарақчилиқта нурғун адәм өлгән.

Фирансийә агентлиқи җүмә күни тарқатқан хәвәр анализида, бу вәқә хитайниң йошурун аҗизлиқини ашкарилап қойғанлиқини илгири сүрди. Хәвәр анализида көрситишичә, бу вәқәдә хитай даирилириниң тәшкиллик зор йиғилишларни қаттиқ контрол қилалисиму, бирақ өзлүкидин топланған авам хәлқни башқурушта тәҗрибисиз икәнлики ашкарилинип қалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт