Shawket mirziyayéf sabiq prézidént islam kerimofning namini ebediyleshtürüshke tirishmaqta

Muxbirimiz ümidwar
2017-03-05
Élxet
Pikir
Share
Print


Özbékistan prézidénti shawket mirziyayéf merhum prézidént islam kerimofni xatirileydighan bir qatar charilerni békitken bolup, yéqinda u qarar chiqirip, tashkent shehiridiki besh rayonni tutashturidighan eng uzun bir kochining ismigha islam kerimofning namini qoyghan.

Perghane torining özbékistanning "Podrobno.Uz" toridin neqil élishiche, prézidént shawket mirziyayéf buyruq chüshürüp, islam kerimof wapat bolghan 2-séntebir künini her yili pütün memliket boyiche xatirilesh küni qilip békitken shuningdek her yili 30-yanwar küni, yeni islam kerimofning tughulghan künini pütün özbékistan miqyasida xatirileshni qarar qilghan. U yene, islam kerimofning semerqenttiki qebrisi yénida xatire sariyi sélish, tashkent, semerqent, qarshi qatarliq sheherlerde xatire abidilirini tikleshni qarar qilghan.

Shawket mirziyayéw bulardin bashqa yene tashkent dölet téxnika uniwérsitéti, asake shehiridiki aptomobil zawoti, perghanidiki sen'et sariyi, tashkent xelq'ara ayrodromi we bashqa bir qisim orunlargha islam kerimofning namini qoyush buyruqi élan qilghan.

Islam kerimof özbékistanni 1989-yilidin tartip, 2016-yili, 2-séntebir küni ölgüche 27 yil idare qilghan idi.

Xelq'araliq hoquq teshkilatlirining yéngi prézidént shawket mirziyayéwtin uning islam kerimof dewridiki hakimmutleqliqqe xatime bérish, islahat élip bérip,puqralarning démokratik we kishilik hoquqlirini himaye qilishni telep qilip, bu dölettiki özgirishlerni yéqindin közitiwatqanliqi melum.

Toluq bet