Сақчилар шаярда рамизанниң ахирқи күнидики таравини қанға бойиди

Мухбиримиз әркин
2013-08-08
Елхәт
Пикир
Share
Принт

Түркийәдики шәрқий түркистан аммиви тәшкилатлириниң ашкарилишичә, хитай сақчилири рамизанниң ахирқи күни ақсуниң шаяр наһийәсидики султанәм мәсчитиниң җамаетини оққа тутуп, аз дегәндә 4 мухлисни өлтүргән вә нурғун адәмни яриландурған.

Мәзкур вәқә йәрлик даириләр тәрипидин техи испатланмиған болсиму, бирақ уйғур аптоном районлуқ қанун тармақлири йеқинда диний күчләргә нуқтилиқ зәрбә бериш һәққидә йолйоруқ берип, кишилик һоқуқ тәшкилатлириниң әндишисини қозғиған иди.

Нөвәттә, султанәм мәсчитиниң җамаетини оққа тутуш вәқәси һәққидә икки хил қараш мәвҗут. Бир хил қараш, хитай сақчилири тарави оқуватқан мәсчиткә бесип кирип, бир қисим кишиләрни тутуп кәткән. Мәсчит җамаети сақчиға наразилиқ билдүрүп барса, сақчилар аммини оққа тутқан.

Йәнә бир хил қараш, сақчилар тарави оқуватқан мәсчиткә бастуруп кирип, буниңға наразилиқ билдүргән мәсчит җамаетини оққа тутуп, өлүм-йетимни кәлтүрүп чиқарған. Бу вәқәниң уйғур аптоном районлуқ хәлқ қурултийи 2‏-авғуст қарар чиқирип, диний күчләрни қаттиқ бастурушни буйруған, аптоном районлуқ партком сиясий қанун комитети секретари шюң шйәнгониң 5‏-авғуст, һәр дәриҗилик сот мәһкимилиригә йолйоруқ берип, зәрбә бериш нишанини нуқтилиқ диний күчләргә қаритишни тәләп қилғандин кейин йүз бериши диққәт қозғиди.

Пикирләр (1)
Share

Исимсиз оқурмән

Shundaq qilip bu xewirim flat east boldimu yaki yazghan ishek soz boldimu?

Aug 18, 2013 11:30 PM

Толуқ бәт