Shénjéndiki tupraq sirilish weqeside 22 bina weyran boldi

Muxbirimiz ümidwar
2015-12-20
Share


Yekshenbe küni gu'angdong ölkisining shénjén shehiridiki gu'angming yéngi rayonida yüz bergen chong kölemdiki tupraq sirilish weqesi netijiside 22 bina weyran bolup, bu jaydiki binalarning köpinchisi yer köchken ye astida qalghan.

Xitay axbarat wasitiliridin shinxu'a torining xewer qilishiche 27 adem iz - déreksiz yoqalghan. Emma, bir qisim xelqara agéntliqlar weqede 40 ademning iz - déreksiz yoqalghanliqini xewer qilghan.

Jiddiy élip bérilghan qutquzush ishliri jeryanida 7 adem buzulghan binalar xarabisidin qutuldurulghan, tupraq sirilish weqesi yüz bérishtin ilgirila 900 adem neq meydandin yiraqlashturulghan. Emma hazirghiche iz - déreksiz yoqilip ketkenlerning teqdiri éniq emes. Nöwette, bu yerde 1500 qutquzush xadimi jiddiy ish élip barmaqta iken. Weqedin kéyin dölet re'isi shi jinping pütün küch bilen izdesh - qutquzush élip bérip, ölüsh we yarilinishni azlitishni telep qilghan. Shuningdek weqedin kéyin xitay qizil kirsét jemiyiti, gu'angdong qizil kirsit jemiyiti we bashqa orunlar apetke uchrighanlargha téz yardem körsitishke kirishken.

Lékin, bu qétimqi chong kölemdiki yer köchüsh weqesining kélip chiqish sewebi heqqide téxi héchqandaq yekün chiqirilmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet