Yérusalém géziti, xitayning sherqiy türkistandiki Uyghurlarni basturuwatqanliqi heqqide toxtaldi

Muxbirimiz irade
2017-05-04
Élxet
Pikir
Share
Print

Isra'iliyening "Yérusalém pochtisi" géziti 4-may künidiki xewiride, xitay Uyghur élini qoral küchi arqiliq ishghal qilip turuwatidu, dégen idiyini algha süridighan bir jümle sözni xewer qildi. Bu söz yuqiridiki gézitning pelestin prézidénti mahmut abbasni yalghanchiliq bilen eyiblep körsetken seweblirining ichide orun aldi.

Yuqiridiki gézitning ilgiri sürüshiche, mahmut abbas charshenbe küni amérika prézidénti tramp bilen körüshkende, "Pelestinlikler dunyada qoralliq ishghal astida qalghan birdin-bir xelq" dégen sözni qilghan iken. Buning bilen "Irusalim pochtisi" géziti mahmut abbasni "Nomus qilmay yalghan gep qildi" dep eyiblep, dunyada pelestinliklerdinmu bashqa ishghal astida yashawatqan xelqler barliqini bayan qilghan we "Xitay hökümiti sherqiy türksitandiki Uyghurlar we tibetler awazini chiqarsila béshigha uruwatidighu? yene shundaq turup qandaqsige pelestinlikler qoralliq ishghal astida turuwatqan birdin-bir xelq bolidiken" dep yazghan.

Yuqiridiki bu xewer, chet'ellerdiki Uyghur közetküchilerning diqqitini qozghidi. Ular xitay hökümiti Uyghur élini ezeldinla xitayning bir parchisi dégenni zor küch bilen teshwiq qiliwatqanda, isra'iliye metbu'atida élan qilin'ghan bu xewerning xitayni qattiq osal qilidighanliqini bildürüshmekte.

Toluq bet