Ақсу вилайитидә шәхсләрниң хусусий байлиқи тизимланған

Мухбиримиз әзиз
2019-04-23
Елхәт
Пикир
Share
Принт

«Ақсу ахбарат тори» ниң 19-апрелдики хәвиридә ейтилишичә, ақсу вилайити бу йилниң бешида башланған иқтисадни омумйүзлүк тәкшүрүш хизмитиниң бу басқучлуқ хизмитини хуласилигән.

Буниңда һәрқайси наһийә вә шәһәрләрдики кархана орунлири һәмдә 12 миңдин артуқ йәккә тиҗарәтчи қаттиқ интизам астида өзлириниң хусусий байлиқиниң тәпсилий әһвалини алақидар җәдвәл бойичә толдуруп, мунасивәтлик һөкүмәт орунлириға тапшурған. Буниң орунлиниш нисбити йүз пирсәнткә йәткән.

Йеқиндин буян уйғурлар дияридики уйғур содигәрлириниң қамаққа елиниши вә уларниң мал-мүлкиниң мусадирә қилиниши һәққидә көплигән учурлар мәлум болған иди. Әмдиликтә йәккә тиҗарәтчи вә пул тапқан шәхсләрдин «чоң содигәр» дәриҗисидә болмиғанларниңму қаттиқ тәкшүрүш шәклидә ройхәткә елиниши бир қисим кишиләрни әндишигә селиватқанлиқи мәлум.

Хәвәрдин мәлум болушичә, бу қетимлиқ тәкшүрүш мәркәзниң бир туташ буйруқи бойичә иҗра қилинған болуп, униң уйғурлар дияридики башқа шәһәр вә наһийәләрдиму иҗра болуватқанлиқи тәхмин қилинмақта.

Пикирләр (0)
Share
Толуқ бәт