Aqsu wilayitide shexslerning xususiy bayliqi tizimlan'ghan

Muxbirimiz eziz
2019-04-23
Élxet
Pikir
Share
Print

"Aqsu axbarat tori" ning 19-apréldiki xewiride éytilishiche, aqsu wilayiti bu yilning béshida bashlan'ghan iqtisadni omumyüzlük tekshürüsh xizmitining bu basquchluq xizmitini xulasiligen.

Buningda herqaysi nahiye we sheherlerdiki karxana orunliri hemde 12 mingdin artuq yekke tijaretchi qattiq intizam astida özlirining xususiy bayliqining tepsiliy ehwalini alaqidar jedwel boyiche toldurup, munasiwetlik hökümet orunlirigha tapshurghan. Buning orunlinish nisbiti yüz pirsentke yetken.

Yéqindin buyan Uyghurlar diyaridiki Uyghur sodigerlirining qamaqqa élinishi we ularning mal-mülkining musadire qilinishi heqqide köpligen uchurlar melum bolghan idi. Emdilikte yekke tijaretchi we pul tapqan shexslerdin "Chong sodiger" derijiside bolmighanlarningmu qattiq tekshürüsh sheklide royxetke élinishi bir qisim kishilerni endishige séliwatqanliqi melum.

Xewerdin melum bolushiche, bu qétimliq tekshürüsh merkezning bir tutash buyruqi boyiche ijra qilin'ghan bolup, uning Uyghurlar diyaridiki bashqa sheher we nahiyelerdimu ijra boluwatqanliqi texmin qilinmaqta.

Toluq bet