Rabiye qadir xanim, shi jinpingning amérika ziyariti Uyghurlarning hoquqini telep qilidighan pursetke aylandurulushi kérek, dédi

Uyghur milliy herikiti rehbiri rabiye qadir xanim shi jinpingning amérikidiki ziyaritini Uyghurlarning hoquqi üchün des turidighan pursetke aylandurushni telep qildi.

Rabiye qadir xanim peyshenbe küni “Diplomat” gézitide élan qilghan bayanatida, 2009-yilidin buyan Uyghurlargha qaritilghan türlük cheklesh, basturush, sotsiz ölüm, mejburiy yoqitiwétish siyasetlirining hessilep kücheytilgenlikini we buning “Térrorluqqa, radikalliqqa qarshi turush” nami astida élip bériliwatqanliqini bildürüp, amérika hökümitini xitayni yuqiridiki mesililerde agahlandurushni telep qildi.

Rabiye qadir xanim sözide yene, shi jinping hakimiyet béshigha chiqqandin buyan xitaydiki Uyghur, tibet, mongghul qatarliq milletlerge qaritilghan zulumning téximu ilgirilep küchiyip ketkenlikini eskertip turup “Shi jinpingning amérika ziyariti mezgilide uninggha xitaydiki künsayin nacharlishiwatqan kishilik hoquq weziyitini yaxshilash heqqide bésim ishlitish amérikining bash tartip bolmaydighan mejburiyiti we exlaqiy wezipisidur” dédi.

Rabiye qadir xanim élan qilghan bayanatida yene, shi jinping xitayda yüz bergen özgirishlerni teshwiq qiliwatqan bir shara'itta, amérika hökümitini Uyghur ziyaliysi ilham toxti we shuningdek bashqa kishilik hoquq aktiplirining türmide ikenlikini untup qalmasliqqa dewet qildi.