Тәйвән даирилири ши җинпиңниң «бир дөләттә икки хил түзүм» тәклипини кәскин рәт қилди

Мухбиримиз сада
2019-01-02
Елхәт
Пикир
Share
Принт

Хитай дөләт рәиси ши җинпиңниң «бир дөләттә икки хил түзүм» лайиһәси бойичә тәйвәнгә сунған бирликкә келиш тәклипи тәйвән президенти сәй йиңвен тәрипидин рәт қилинди.

Америка радийо ширкити хәвәрләр ториниң 2-январдики хәвиридин қариғанда, тәйвән президенти сәй йиңвен ши җинпиңниң тәһдит арилаш тәклипигә «җуңхуа хәлқ җумһурийити тәйвән җумһурийитиниң мәвҗутлуқини етирап қилиши керәк,» дәп җаваб қайтурған.

Хәвәрдин мәлум болушичә, хитай рәис ши җинпиң 2-январ күни бейҗиң хәлқ сарийида ечилған «тәйвән сияситиниң 40-қетимлиқ намайәндиси» йиғинида қилған сөзидә «тәйвән җуңгониң бир қисми болғанлиқи үчүн, чоқум биз билән бирлишиши керәк. Хоңкоңда йолға қоюлған ‹бир дөләттә икки хил түзүм' бирликкә келишниң әң яхши үлгиси,» дегән. У йәнә «бирликкә келиштәк муқәррәр еқимни һечким тосуп қалалмайду, мустәқиллиқ тәйвән үчүн бир туюқ йолдур,» дегән.

Хәвәрдә дейилишичә, хитайниң тәйвәнгә сунған «бир дөләттә икки хил түзүм» тәклипи хоңкоңда йолға қоюлған система билән охшаш болуп, униңда тәйвән хитайниң бир қисмиға айлинидикән вә мәлум дәриҗидики аптономийә һоқуқини сақлап қалидикән.

Тәйвән президенти сәй йиңвен ши җинпиңниң сөзигә қайтурған җавабида алаһидә қилип, «тәйвән хәлқи җуңго чоң қуруқлуқиға қошулушқа қаттиқ қарши туриду, җуңхуа хәлқ җумһурийити өз хәлқини идарә қилишта тәйвәнгә охшаш демократик йолни тутуш керәк,» дегән.

Ройтерс агентлиқи елан қилинған мунасивәтлик хәвәрдиму сәй йиңвенниң ши җинпиңниң тәһдитлик тәклипигә қайтурған кәскин җаваби тәпсилий тонуштурулған.

Пикирләр (0)
Share
Толуқ бәт