Shi jinpingning texttin chüshmeslik pilani zor bir türküm xitay puqralirida chet'elge köchüp kétish xiyali peyda qilghan

Muxbirimiz shöhret hoshur
2018-02-28
Élxet
Pikir
Share
Print

Firansiye axbarat agéntliqining xewer qilishiche, xitay dölet re'isi shi jinping asasi qanun'gha tüzitish kirgüzüp, wezipe ötesh mudditini dawamliq uzartish pilani yekshenbe küni axbaratqa ashkara bolghandin kéyin zor bir türküm xitay puqralirida chet döletlerge, bolupmu amérika bilen kanadagha köchüp kétish xiyali tughulghan.

Xewerde déyilishiche, mezkur xewer tarqalghandin kéyinki bir nechche sa'et ichide xitayche beydu uchur ambirida köchmenlikke a'it uchurlarning körülüsh qétim sanida uchqandek tézlikte örlesh bolghan. Amérika we kanadagha wiza ishlirini béjirishke hemkarlishidighan globe wisa namliq shirketmu özlirining yéqinqi künlerde normaldin tashqiri köp téléfon qobul qilghanliqini bayan qilghan.

Kaliforniyede adette xitaylargha öy satidighan bir öy-zémin shirkitimu shi jinpingning texttin chüshmeslik pilani ashkarilan'ghandin kéyinla xitay köchmenlirining özlirining ilikidiki öy-zémin'gha bolghan qiziqish nisbitide pewqul'adde yüksilish körülgenlikini bayqighan. Hetta xitay muhajirlar ishxanisining bir xadimimu yéqinqi künlerdin béri özlirige adettikidin köp téléfon kelgenlikini ashkarilighan.

Analizchilar, shi jinpingning diktatoriliq chüshining köp sandiki xitay puqralirida xitay yéqin kelgüside siyasiy jehette maw zédong dewrige qaytishi mumkin, dégen endishini tughdurghanliqini, shu sewebtin bir qisim mülükdar puqralarning xitaydin qéchish koyigha chüshkenlikini perez qilishmaqta.

Toluq bet