Xitay saqchiliri shi jinpingning hejwiy resimini torda élan qilghan kishini qolgha aldi

Muxbirimiz irade
2015-05-28
Share

Xitay saqchi da'iriliri dölet re'isi shi jinpingning resimini hejwiyleshtürüp intérnétta élan qilghan shangxeylik bir ressamni qolgha alghan.

Dey jyenyung isimlik bu kishi adette xitaydiki wéybo qatarliq ijtima'iy alaqe tor bétidiki hésabigha dawamliq halda éghzi we burunliri alahide yoghanlitilghan hejwiy kishi resimlirini yaki bolmisa ayali we ikkisining hejwiy resimlirini élan qilip turidighan bolup, bir küni u hésabida xitay dölet re'isi shi jinpingning éghzi alahide yoghanlitilghan we yoghan burut qoyulghan bir parche hejwiy resimini élan qilghan.

Biraq, seyshenbe küni kechte u ayali bilen öyige qaytip kelginide ishik aldida saqlap turghan bir munche saqchilar bilen qarshilashqan. Saqchilar uninggha "Malimanchiliq" tughdurghanliqini éytip, uni saqchixanigha élip ketken. Ressamning ayali ju idi birleshme agéntliqining muxbirigha ilgiri yoldishining sabiq dölet re'isi xu jintawningmu nurghun hejwiy resimlirini élan qilghanliqini, biraq héchqachan bundaq bir ehwal bilen qarshiliship baqmighanliqini éytip bergen. U "Bu resimde héchqandaq bir siyasiy meqset yoq idi" dégen.

Xitay kishilik hoquq qoghdighuchiliri teshkilati weqe heqqidiki bayanatida, shi jinping dewride xitay puqralirining pikir erkinlikining téximu qattiq qamal astigha élin'ghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet