Uyghur aptonom rayonluq partkom shi jinpingning Uyghur élini ziyaret qilghanda bergen yolyoruqini qandaq emeliyleshtürüshni muzakire qilghan

Muxbirimiz erkin
2022.07.18
Share on WhatsApp
Share on WhatsApp

Uyghur aptonom rayonluq partkomning da'imiy komitéti 16-iyul küni kéngeytilgen yighin chaqirip, xitay rehbiri shi jinpingning 12-iyuldin 15-iyulghiche Uyghur élide élip barghan tuyuqsiz tekshürüshide bergen yol yoruqlirining rohini qandaq emeliyleshtürüshni muzakire qilghan we shundaqla bezi orunlashturushlarni élip barghan. Tetqiqatchilar teripidin Uyghur “Irqiy qirghinchiliqi” ning bash pilanlighuchisi we jawabkari, dep qariliwatqan shi jinpngning Uyghur élide élip barghan 3 künlük tuyuqsiz tekshürüshi, xelq'ara taratqularning alahide diqqitini qozghighan.

Shi jinping ‍ürümchi, turpan shixenze qatarliq jaylarda élip barghan tekshürüshliri jeryanida qilghan sözi we bergen yolyoruqlirida, xitay kompartiyesining “Shinjangni bashqurush istératégiyesi” ni toluq we qet'iy ijra qilishni, “Jungxu'a milliti ortaq éngi” berpa qilishni dawamliq algha sürüshni telep qilghanidi. “Shinjang” gézitining xewer qilishiche, Uyghur aptonom rayonluq partkom da'imiy komitétining 16-iyul ötküzülgen kéngeytilgen yighini, shi jinpingning muhim inkasning rohini estayidilliq bilen öginip we emeliyleshtürüp, jungxu'a millitining ortaq tarixi, jungxu'a millitining köp qutupluq bir gewde endizisini tetqiq qilishni kücheytishni tekitligen.

Yighin buning konkrét ijra'at tedbirlirini sherhlep mundaq dégen: “Shinjangdiki her qaysi milletler otturisidiki almashturushning tarixi pakitliri, arxé'ologiyelik buyumliri we medeniyet yadikarliqlirini qayta qézip chiqip we ünümlük rewishte tetbiqlap, muzéylarda saqlan'ghan medeniyet yadikarliqlirini, her qaysi jaylarda körgezmige qoyulghan medeniy miraslar, qol yazma we qedimki kitablardiki yéziqlarning hemmisini tirildürüp, her millet kadir, ammisida beshni étirap qilish, junggo qelbi, jungxu'a rohi we jungxu'a milliti ortaq éngi terbiyesini kücheytish hem yéteklesh kérek”.

Adriyan zénz qatarliq mutexessislerning éytishiche, shi jinpingning ziyariti Uyghur élida uzun muddetlik assimilyatsiye dewrige ötüshtin dérek bérishi mumkin iken. Shi jinpingning Uyghur élide qilghan bu heqtiki sözi xitay kompartiyesining Uyghurlar diyaridiki xitay bolmighan milletlerning ‛jungxu'a kimliki‚ bilen bolghan munasiwitini sherhleydighan yéngi bir ipade iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.