Shi jinpingni ilahlashturush dolquni bashlan'ghuch mekteplerge kéngeymekte

Muxbirimiz eziz
2018-09-04
Élxet
Pikir
Share
Print

Uyghurlar diyaridiki siyasiy kontrolluqning bir mezmuni süpitide xitay re'isi shi jinpingni ilahlashturush dolqunining bashlan'ghuch we ottura mekteplergiche kéngiyiwatqanliqi diqqet qozghimaqta. "Ürümchi kechlik géziti" ning 4-séntebirdiki xewiride buning qismen tepsilati bayan qilinidu.

Xewerde éytilishiche, 4-séntebir küni Uyghurlar diyaridiki ma'arip sistémisida birtutash oqush bashlan'ghan bolup, mektepke yighilghan oqughuchilar tunji oqush künini "Weten'ge jawab qayturushqa irade tiklesh" heqqidiki öginish bilen bashlighan. Ürümchi sheherlik 42-bashlan'ghuch mektepte oqughuchilar bayraq chiqirish murasimigha qatnashqandin kéyin oqutquchilarning yétekchilikide shi jinpingning "Yash waqitlirida bir yeshik kitab élip yézigha chüshkenliki, étizliqta emgek qilish jeryanida lughet ishletkenliki, her 30 chaqirimda birdin kitab ariyet bérip mangghanliqi" dégendek hékayilerni anglighan. Oqughuchilar bu heqte pikir qilip: "Shi bowam méning öginish ülgem" dep qaraydighanliqini bildürgen.

Gérmaniyede yashaydighan, ilgiri ma'arip saheside uzun yillar xizmet qilghan munewwer xanim ösmürlerge qaritilghan bu xil terbiye herikitining tamamen ménge yuyush ikenliki, mektep balilirigha qaritilghan mundaq terbiyening xitay kommunist diktatori maw zédung dewridimu mewjut bolghanliqi, hazir shimaliy koréyedimu küchlük dawamlishiwatqanliqini eskertip: : "Gödeklerge tunji oqush künidila xitay re'isini özige ülge qilish heqqide terbiye bérish melum menidin alghanda shimaliy koréyediki sabiq diktator kim jong'élning 'ilahi' nopuzini bashlan'ghuch mektep oqughuchilirigha teshwiq qilghinigha oxshaydighan siyasiy ménge yuyush herikitidur" dédi.

Yéqinda muxbirimizning ehwal igilishi jeryanida Uyghurlar diyaridiki herqaysi a'ililerge shi jinpingning resimini ésish heqqide uqturush tarqitilghanliqi, buning hazir pütkül rayon teweside omumlishiwatqanliqi melum bolghan idi.

Toluq bet