Xitay re'isi shi jinping qazaqistan bilen özbékistan'gha baridiken

Muxbirimiz jewlan
2022.09.07
Share on WhatsApp
Share on WhatsApp

Xitay re'isi shi jinpingning pat yéqinda ottura asiyagha bérip, xitayning bu rayondiki menpe'etige munasiwetlik diplomatik pa'aliyetlerde bolidiken.

“Diplomat” tori élan qilghan bu xewerge qarighanda, 2020-yil kowid yuqumi bashlan'ghandin buyan chet elge ziyaretke chiqip baqmighan shi jinping, 9-ayning 14-küni qazaqistanni ziyaret qilidiken؛ andin özbékistanning semerqent shehirige bérip shangxey hemkarliq teshkilatining yilliq yighinigha qatnishidiken. Bu yighinda shi jinping rusiye prézidénti putin bilen körüshüp, gi'o-siyasiy menpe'etlerge munasiwetlik muhim mesililer üstide söhbetlishidiken.

Xewerde körsitilishiche, ukra'inagha hujum qilghan rusiye bilen Uyghurlargha qarshi jinayet ötküzüwatqan xitay, bügünki künde xelq'ara jem'iyet teripidin eybliniwatqan ikki chong dölet bolup, bu ikki döletning rehberliri bu qétimqi uchrishishta gherbke qarshi istratégiyelik meydanini mustehkemlesh we “Rezillik oqi” ni chingitish jehette birlikke kélishi mumkin iken.

Xewerde tehlil qilinishiche, xitay re'isi shi jinpingning se'udi erebistan'gha we hindunéziyediki “20 Dölet bashliqliri yighini” gha qatnishidighanliqi heqqide ösek gepler chiqqan, emma u bu yil 10-ayda ötküzülidighan xitay kompartiyesining 20-qurultay yéqinliship kéliwatqan muhim waqitta peqet qoshna döletkila seper qlishni tallighan bolup, yiraqqa seper qilishni oylashmighan. Yene bir jehettin u bu xil xelq'ara yighin'gha qatnishish arqiliq özining dölet ichi we xelq'aradiki ornini yuqiri kötürmekchi bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.