Ши җиңпиңниң "шинҗаң сиясити" ни ақлиши хәлқара таратқуларда кәң инкас қозғиди

Мухбиримиз әркин
2020-09-28
Share

Хитай һөкүмити уйғурларға "ирқий қирғинчилиқ" елип бериш билән әйиблиниватқан мәзгилдә хитай баш секретари ши җинпиңниң "шинҗаң сиясити пүтүнләй тоғра" дәп ақлиши нопузлуқ хәлқара таратқуларда кәң инкас қозғиди.

"ню-йорк вақти гезити" ниң тәкитлишчиһә, "ши җинпиңниң сөзи америка, явропа иттипақи вә башқа күчләрниң тәнқидигә учриши, униң шинҗаңдики мусулман аз санлиқ милләтләрни сиясий меңә ююш, дөләтниң пиланлишида нопус қурулмисини өзгәртиш арқилиқ контрол қилиштин ибарәт қош бислиқ истиратегийәсини өзгәртәлмигәнликиниң сигнали" икән.

"вол-стрет журнили" гезитиниң бу һәқтики хәвиридә бу сөзләр ши җинпиңниң шинҗаңдики юқири бесимлиқ бастурушни, мусулман аз санлиқ милләтләрни кәң көләмдә тутуп туруш, мәҗбурий ассимилятсийә қилиш һәрикәтлирини очуқ-ашкара қоллиғанлиқини көрситидиғанлиқи, һалбуки бу һәрикәтниң дуня миқясида кишилик һоқуқни дәпсәндә қилиш, дәп әйибләңәнлики тәкитләнгән. CNN Ниң хәвиридә кишилик һоқуқ дәпсәндичилики вә кәң көләмлик тутқунға хәлқара тәнқид күчийиватқан болсиму, лекин ши җинпиңниң "шинҗаң сияситини тоғра" дәп қарайдиғанлиқи илгири сүрүлгән.

Хәвәрдә нурғун кишилик һоқуқ тәшкилатлириниң шинҗаңдики вәзийәтни "ирқий қирғинчилиқ" дәп сүрәтләшкә башлиғанлиқи, бу һәқтики доклатларда дөләтниң нопус қурулмисини өзгәртиш пиланиниң бир қисми сүпитидә уйғур аяллириниң туғмас қилиниватқанлиқи тәкитләңәнликини билдүргән. Ши җинпиң бейҗиңда ечилған 3-қетимлиқ "шинҗаң хизмәт йиғини" да сөз қилип: "әмәлийәт шуни испатлидики, партийәниң йеңи дәврдики шинҗаңни башқуруш истиратәгийәси пүтүнләй тоғра" дәп көрсәткән. У бу истиратегийәни изчиллаштурушниң бир "сиясий вәзипә" икәнликини тәкитлигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт