Shi jingpingning "Shinjang siyasiti" ni aqlishi xelq'ara taratqularda keng inkas qozghidi

Muxbirimiz erkin
2020-09-28
Share

Xitay hökümiti Uyghurlargha "Irqiy qirghinchiliq" élip bérish bilen eyibliniwatqan mezgilde xitay bash sékrétari shi jinpingning "Shinjang siyasiti pütünley toghra" dep aqlishi nopuzluq xelq'ara taratqularda keng inkas qozghidi.

"Nyu-york waqti géziti" ning tekitlishchihe, "Shi jinpingning sözi amérika, yawropa ittipaqi we bashqa küchlerning tenqidige uchrishi, uning shinjangdiki musulman az sanliq milletlerni siyasiy ménge yuyush, döletning pilanlishida nopus qurulmisini özgertish arqiliq kontrol qilishtin ibaret qosh bisliq istiratégiyesini özgertelmigenlikining signali" iken.

"Wol-strét zhurnili" gézitining bu heqtiki xewiride bu sözler shi jinpingning shinjangdiki yuqiri bésimliq basturushni, musulman az sanliq milletlerni keng kölemde tutup turush, mejburiy assimilyatsiye qilish heriketlirini ochuq-ashkara qollighanliqini körsitidighanliqi, halbuki bu heriketning dunya miqyasida kishilik hoquqni depsende qilish, dep eyiblengenliki tekitlen'gen. CNN Ning xewiride kishilik hoquq depsendichiliki we keng kölemlik tutqun'gha xelq'ara tenqid küchiyiwatqan bolsimu, lékin shi jinpingning "Shinjang siyasitini toghra" dep qaraydighanliqi ilgiri sürülgen.

Xewerde nurghun kishilik hoquq teshkilatlirining shinjangdiki weziyetni "Irqiy qirghinchiliq" dep süretleshke bashlighanliqi, bu heqtiki doklatlarda döletning nopus qurulmisini özgertish pilanining bir qismi süpitide Uyghur ayallirining tughmas qiliniwatqanliqi tekitlengenlikini bildürgen. Shi jinping béyjingda échilghan 3-qétimliq "Shinjang xizmet yighini" da söz qilip: "Emeliyet shuni ispatlidiki, partiyening yéngi dewrdiki shinjangni bashqurush istirategiyesi pütünley toghra" dep körsetken. U bu istiratégiyeni izchillashturushning bir "Siyasiy wezipe" ikenlikini tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet