Xitay re'isi shi jinping axbaratchilarni kompartiyening teshwiqatchisi bolushqa ündigen

Muxbirimiz irade
2017-11-09
Share

Xelq torining xewiridin qarighanda, 8-noyabir küni xitayda "Axbaratchilar bayrimi" tebriklen'gen bolup, xitay re'isi shi jinping bu munasiwet bilen axbaratchilargha tebrik xéti ewetken. U tebrik xétide "Barliq axbaratchilar ulugh dewr yangratqan algha ilgirilesh zeper marshigha jör bolushi we uni teshwiq qizhishqa teyyar turushi kérek," dégen.

Qiziqarliqi shuki, mezkur "Axbaratchilar bayrimi" axbarat-uchur erkinliki qattiq qamal qiliniwatqan Uyghur élidimu daghdugha bilen kütüwélin'ghan. Bu heqte échilghan yighinda Uyghur aptonom rayonluq partkom da'imiy komitétining ezasi, teshwiqat bölümining bashliqi tyen wén söz qilip, "Axbarat xizmetchiliri siyasiy tonushini kücheytishi, partiyening axbarat xizmitige sadiq bolup, partiyening jama'et pikri xizmiti mes'uliyitini we burchini zimmisige élishi kérek," dégen. U yene axbarat xadimlirini ochuq-ashkara halda partiyening teshwiqatchisi bolushqa chaqirip, "Axbaratchilar partiyening siyaset, teshebbuslirining tarqatquchisi, dewr rohining xatiriligüchisi bolushi kérek," dégen.

Xitay, xelq'ara kishilik hoquq organlirining doklatlirida axbarat erkinliki eng éghir depsende qiliniwatqan dölet, dep qarilip kelmekte. Melum bolushiche, bolupmu shi jinping textke chiqqan 5 yil mabeynide bu sahediki chékinish intayin zor bolghan.

Chet'ellerdiki közetküchiler, shi jinping hakimiyitining hazir barliq axbarat wasitilirini qattiq kontrol qilip, ularni peqet kommunistik partiyening we özining teshwiqatini qilidighan wasitige aylanduruwatqanliqini bildürümekte hemde "Xitayning nöwettiki siyasiy atmosférasi medeniyet inqilabi mezgilidin perqsiz bolmaqta," dep körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet