Obama intérnét jasusluqi heqqide kélishim hasil qilghan bolsimu, xitayni yene agahlandurdi


2015-09-26
Share

Obama xitay re'isi shi jinping bilen intérnét jasusluqi heqqide kélishim hasil qilghan bolsimu, emma jüme küni xitayni yene agahlandurup, eger xitay amérikigha qaritilghan tor hujumlirini yene sadir qilidiken   jaza xaraktérlik inkas qayturidighanliqini jakarlidi.

Obama bu sözlerni25- séntebir xitay re'isi shi jinping bilen sözleshkendin kéyin ötküzgen birleshme axbarat élan qilish yighinda otturigha qoydi.

Obama keskin qilip amérikigha qaritilghan tor jasusluqini emdi choqum axirlashturmisa bolmaydighanliqini bildürdi.

U, intérnét hujumlirigha qayturidighan inkaslarning  peqet gep péti qalmaydighanliqini bildürüp mundaq dédi: qolimizda qandaq imkaniyet bolsa shularning hemmisini ishqa sélip meyli ötmüshtiki meyli kelgüsidiki tor jinayetchiliri bolmisun ularning péyige chüshimiz.

U, xitay bilen hasil qilin'ghan tor bixeterliki kélishimining ilgirileshtin dérek béridighanliqini bildürgen bolsimu,  emma bu heqte qilinidighan ishlarning téxi tügimigenlikini alahide eskertti.

Bu heqte  toxtalghan xitay prézidénti shi jinping héchqaysi terepning bilip turup tor oghriliqni qollimaydighanliqini we tor boshluqini ölchem prinsiplirigha hörmet qilidighanliqini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.