Shi jinpingning ürümchi ziyariti heqqide türlük mulahiziler otturigha chiqmaqta

Muxbirimiz eziz
2022.07.19
Share on WhatsApp
Share on WhatsApp

Xitay re'isi shi jinping 13-iyulda Uyghur diyarigha ziyaretke kélip ketkendin kéyin bu heqtiki türlük mulahiziler herqaysi axbarat wasitiliridin keng yer élishqa bashlidi.

Xitay bilen yéqindin buyan chégradiki talash-tartish mesilisini pilta qilghan halda tirkiship kéliwatqan hindistandiki gézitler bu qétimqi ziyaret heqqide köplep melumat bergen. “Tunji pochta” gézitining 18-iyuldiki obzorida éytilishiche, xitay merkiziy hökümitining bu qétimqi ziyaret jeryanida otturigha chiqqan söz ahangi nöwettiki weziyetning téximu uzun mezgil dawam qilishidin, shundaqla islam dinini xitaychilashturushning qet'iylik bilen ijra bolushidin bésharet bergen.

Kanadaning “Yer shari pochtisi” gézitining 18-iyuldiki mulahize maqaliside körsitilishiche, shi jinping 2014-yili ürümchige kelgende hemmila yerni eskerler we térrorluqqa qarshi turush heqqidiki sho'arlar bir alghan “Herbiy weziyet” sheklidiki tolimu sürlük bolghan orunlashturush qaplighan. Emma bu qétim buning eksiche naxsha éytip ussulgha chüshken Uyghurlar, shadimanliqqa tolghan awam turmushi dégendekler meqsetlik halda alahide gewdilendürülgen. Shi jinpingning sözliride “Bizning milliy siyasetlirimiz we nezeriyemiz tolimu emeliy we ünümlük bolghanliqi ispatlandi. Biz jezmen özimizge xas milliy siyaset arqiliq milliy mesililerni hel qilishimiz kérek” dégen sözler köp qétim tekrarlan'ghan. Aptor mushu ehwallarni sélishturup, shi jinpingning bu qétimqi ziyaritide dunyaning Uyghurlar heqqidiki eng yéngi chüshenchisini chalghitish hemde zörür bolghanda buni bashqiche teswirlesh meqsitining asasiy nishan bolghanliqini tekitleydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.