Ши җинпиң қайтидин пүтүн һоқуқни өз қолиға алди

Мухбиримиз үмидвар
2018-03-18
Елхәт
Пикир
Share
Принт

17-Март күни хитай хәлқ қурултийи йиғининиң хуласиси сүпитидә хитай хәлқ җумһурийитиниң рәис вә муавин рәислирини сайлаш өткүзүлүп, хәлқ қурултийиниң 2970 нәпәр әзаси ши җинпиңниң дөләт рәиси вә һәрбий ишлар комитетиниң рәисликигә аваз бәргән. Қизиқ нуқта шуки, бирму қарши аваз болмиған, хитай муавин дөләт рәислик орниға хитай компартийиси 19-қурултийида мәркизи комитет сиясий бюро даимий әзалиқидин қалған ваң чишән еришкән болуп, униңға пәқәтла бирла қарши аваз берилгән.

Анализчиларниң қаришичә, бу сайлам дунядики кәмдин-кәм көрүлидиған пәқәт бирла намзат болуш, һәммила адәм шу намзатқа аваз бериш түзүмидики сайлам болған. Әнглийә б б с агентлиқиниң хәвәр қилишичә, дөләт рәислик вә муавин рәислик орниға ши җинпиң вә ваң чишәндин башқа иккинчи бир намзат болмиған. 

Радийомиз хитай бөлүминиң хәвәр қилишичә, ши җинпиң хитай дөләт рәислири ичидә тунҗи қетим асасий қанунни тутуп, қәсәм берип вәзипә тапшурувалған рәис икән. Хитайда 2014-йили, асасий қанунға қәсәм бериш түзүми йолға қоюлған иди.

Ши җинпиң хитай асасий қануниға қолини қоюп туруп, өзиниң хитай хәлқ җумһурийити асасий қануниға садиқ болидиғанлиқи вә башқа қәсәм сөзлирини ейтқан болсиму, лекин униң қәсәм сөзидә «партийәгә садиқ болимән» дегән җүмлиниң йоқлуқи диққәт қозғиған.

Ши җинпиң бу қетим партийиниң баш секретари, дөләт рәиси, һәрбий ишларниң рәисликидин ибарәт үч алий һоқуқни өз қолиға киргүзгән. Шуниңдәк хитай асасий қанунидики дөләт рәис вә муавин рәисиниң вәзипә өтәш мөһлитиму елип ташланған иди.

Пикирләр (0)
Share
Толуқ бәт