Amérika shimaliy koréyege soniy tor hujumi seweblik émbargo qoydi

Muxbirimiz erkin
2015-01-02
Share

Amérika hökümiti jüme küni shimaliy koréyening soniy filim shirkitige qilghan tor hujumini jazalap, uninggha yéngi émbargo qoydi. Émbargo yuqiri derijilik shimaliy koréye emeldarlirini, dölet mudapi'esige chétishliq tarmaqlirini nishan qilghan.

Shimaliy koréye tor hujumigha qatnashqanliqini ret qilghan bolsimu, biraq émbargo amérikining tor hujumigha shimaliy koréye mes'ul, dégen meydanida dawamliq ching turghanliqini körsitidu. Prézidént obama amérika dölet mejlisi rehberlirige yazghan xétide tekitlep, émbargo shimaliy koréye xelqini nishan qilmighan. U shimaliy koréye hökümiti we uning amérikigha tehdit séliwatqan herikitini nishan qilghan, dédi.

Aqsaray, émbargoning soniy tor hujumigha qarshi élin'ghan tedbirning bir parchisi ikenlikini körsitip, kelgüside téximu köp emeldargha émbargo qoyulidighanliqini agahlandurdi.

Ikki hepte awwal soniy filim shirkitining tori tor buzghunlirining hujumigha uchrighan.

Tor buzghunlar soniy shirkitini agahlandurup, eger u shimaliy koréye rehbiri kim jung'un heqqidiki"Ziyaret" namliq komédiyilik filimni bazargha salsa, bu shirketni partlitidighanliqini bildürgen. Amérika fédéral tekshürüsh idarisi tor hujumini pyongyang hökümiti élip barghanliqini élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet