Шималий корейә чеградики қисимлириға уруш һалитигә өтүш буйруқи чиқарди

Мухбиримиз әркин
2015-08-21
Share

Шималий корейә рәһбири ким җуң ун җүмә күни җәнубий корейә чеграсида турушлуқ қораллиқ қисимлириға уруш һалитигә өтүш буйруқи бәргән.

Шималий корейә мәркизи ахбарат агентлиқиниң хәвәр қилишичә, ким җуң ун мәркизи һәрбий ишлар комитетиниң җиддий йиғинини чақирип, алдинқи сәптики қисимларни уруш һалитигә өтүшкә буйруған.

Шималий корейәниң бейҗиңда турушлуқ әлчиханиси җүмә күни ахбарат йиғини чақирип, җәнубий корейә юқири авазлиқ канай тәшвиқатини 48 саәт ичидә тохтатмиса, җәнубий корейәгә һәрбий һәрикәт қоллинидиғанлиқини елан қилған.

Шималий корейә пәйшәнбә күни чеграниң ғәрбий линийәсидики җәнубий корейә һәрбий истиһкамлирини бомбардиман қилған. Җәнубий корейә топчи қисимлири қайтурма зәрбә бәргән иди.

Бирақ җәнубий корейә президенти пак кун һе җүмә күни алдинқи сәп қисимлирини тәкшүргәндә, җәнубий корейә қисимлириниң шималдин келидиған һәрқандақ иғвагәрчиликкә тәйярлиқ қилип қойғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт