Шималий корейә қисқа мусапилик башқурулидиған бомба синиқи елип барған

Мухбиримиз җүмә
2017.08.26

Шималий корейә шәнбә күни йәнә 3 данә қисқа мусапилик башқурулидиған бомбам синиқи елип барған. Мәзкур синақ америка вә җәнубий әскәрлири бирләшмә маневир өткүзүватқан мәзгилгә тоғра кәлгән.

Нюйорк вақит гезитидә хәвәр қилишичә, бу һәқтики учурларни сеулдики әмәлдарлар дәлиллигән.

С н н хәвәрләр торида көрситишичә, америка тинч окян қоманданлиқ штаби бу һәқтә елан қилған баянатида, башқурулидиған бомбиларниң шималий корейәниң каңвон өлкисидин қоюп берилгәнлики,  бомбиларниң шималий йөлинишкә қарап 250 километир учқанлиқи, әмма иккинчи бомбиниң қоюп берилгән һаман партлап кәткәнликни ейтқан.

Америка вә җәнубий корейә даирилири 21-авғуст өзиниң йиллиқ бирләшмә һәрбий маневирини башлиған.

Мәзкур маневир башлиништин илгири шималий корейә агаһландуруш елан қилип, маневирни әмәлдин қилдурушқа чақирған һәмдә әгәр ундақ болмайдикән маневирниң “апәт” елип келидиғанлиқини ейтқан.

Һалбуки, америка вә җәнубий корейә шималий корейәниң тәһдитигә писәнт қилмай маневирни әслдики пилан бойичә давам қилған иди.

Америка вә җәнубий корейә қисимлири “улчи тинчлиқ һамийси” дәп атилидиған йиллиқ бирләшмә һәрбий маневирини 1979-йилидин буян йилға бир қетим өткүзүп келивататти.

Һалбуки бу қетимқиси шималий корейә билән америка арисидики мунасивәт таза җиддийләшкән, шималий корейә америкиниң гуам арилиға башқурулидиған бомба тәһдити салған мәзгилгә тоғра кәлгән иди.

С н н ниң америка дөләт мудапиә хадимлиридин нәқил елип хәвәр қилишичә, гәрчә шималий корейә америка қуруқлуқиға бомба атқудәк иқтидари барлиқини көрситишкә тиришқан болсиму, бу қетимқи қисқа мусапилик башқурулидиған бомбилар нә гуам арилиға, нә америка тупрақлириға тәһдит пәйда қилалмайдикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.