Хитай шималий корейәниң хитайдики ширкәтлирини тақайдиғанлиқини билдүрди

Мухбиримиз әркин
2017.09.28
Share on WhatsApp
Share on WhatsApp

Хитай сода министирлиқи бүгүн баянат елан қилип, б д т ниң шималий корейәгә йүргүзгән ембаргосини омумий йүзлүк иҗра қилидиғанлиқини вә хитайдики шималий корейә ширкәтлирини тақайдиғанлиқини билдүрди.

Б д т 12‏-сентәбир күни шималий корейәгә қарши йеңи ембарго қарари мақуллап, шималий корейәниң пахта тоқумичилиқ, деңиз мәһсулатлири вә көмүр мәһсулатларни експорт қилишини чәклигән. Арқидинла америка президенти доналд трампму мәмурий буйруққа имза қоюп, шималий корейә билән сода қилған ширкәтләрни җазалайдиғанлиқини билдүргән иди.

Ройтерз агнтлиқиниң хәвәр қилишичә, хитай сода министирлиқи бүгүн хитайдики шималий корейә ширкәтлирини, йәни хитай билән шерик сода қиливатқан карханиларни 120 күн ичидә тақайдиғанлиқини билдүргән.

Хитай шималий корейәниң деңиз мәһсулатлири, көмүр вә тоқумичилиқ мәһсулатлирини експорт қилидиған асаслиқ қошниси болуп, у йәнә шималий корейәниң әмгәк күчини експорт қилиш, ресторан ечип, еһтияҗлиқ ташқи перевотқа еришидиған асаслиқ дөлити икән.

Ройтерз агнтлиқиниң ашкарилишичә, хитай һөкүмити бу йил 2‏-айда б д т ниң ембарго қарарини иҗра қилишқа вәдә берип, шималий корейәдин көмүр импорт қилишни тохтатқанлиқини елан қилған болсиму, бирақ у бу йил 8‏-айда бир милйон 600 миң тонна көмүр импорт қилған. Хитай сода министирлиқиниң баянатчиси гав фең пәйшәнбә күни хитайниң һәрикитини ақлап, униң “ембарго күчкә игә болуштин бурунқи иш” икәнликини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт