Еян грахам: “хитайниң шималий корейә болған қаттиқ позитсийәси американи голлаш үчүн болуватиду”

Мухбиримиз шөһрәт һошур
2017.11.29
Share on WhatsApp
Share on WhatsApp

Шимали корейә бүгүн қитәләр ара узун мусапилик башқурулидиған бомба синиқи елип барғандин кейин, хәлқара җәмийәтниң диққити йәнә бир қетим хитайниң мәзкур вәқәдики позитсийәсигә мәркәзләшти.

Хитай ташқи ишлар министирлиқиниң баянатчиси гең шуаң бүгүн баянат берип, хитайниң шималий корейәни “қаттиқ әйипләйдиғанлиқи” ни билдүргән вә шималий корейәни б д т ниң алақидар қарарлириға бойсунушқа чақирған.

Бәзи көзәткүчиләр, хитайниң американиң райиға беқип шималий корейәгә қарита қаттиқрақ позитсийәдә инкас қайтуруватқан болсиму, әмма униң шималий корейә мәсилисидики истратегийәлик пиланида өзгириш болмиғанлиқини илгири сүрмәктә. Австралийәлик мутәхәсиш еян грахам бүгүн “вашингтон почтиси” гезитидә мақалә елан қилип, хитайниң йеқинда хитай һава йоллири ширкитиниң шималий корейәгә учушини бикар қилиши вә икки дөләт арисидики дәндуң көврүки қурулушини қисмән тохтитиши, “пәқәтла вашингитонни бәзләш үчүн, халас!” дегән.

Еян грахамниң мәзкур мақалисидә йәнә шимали корейәниң хитай компартийәси бейҗиңда 19‏-қурултай ечиливатқан мәзгилидә бир мәһәл җим турғанлиқини, қурултайдин кейин ши җинпиңниң шималий корейәгә вәкил әвәткәнликини әсләп өткән.

Хитайниң “йәр шари вақти гезити” шималий корейәниң бүгүн елип барған қитәләр ара учидиған башқурулидиған бомба синиқини “американиң шималий корейә сияситидики мәғлубийитиниң ипадиси,” дәп көрсәткән. “вашингтон почтиси” гезити хитай таратқулириниң бу инкасиға җаваб қайтуруп, “хитай компартийиси юқири қатлимидикиләрниң зеһнийитиниң ашкарилиниши,” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт