Ким җунюн шималий корийәниң узун мусапилиқ башқурулидиған бомба қурулушиниң пүтүш алдида икәнликини билдүрди

Мухбиримиз үмидвар
2017.01.01
Share on WhatsApp
Share on WhatsApp


Шимали корийә рәһбири ким җунюн өз дөлитиниң “қитәләр ара узун мусапилиқ башқурулидиған бомба ясаш хизмитиниң ахирқи басқучқа киргәнлики”ни көрсәткән,

Б б с агентлиқиниң хәвәр қилишичә, ким җуңюн бу учурни өзиниң йеңи йиллиқ нутуқида ейтқан.

Мәлумки шимали корийә 2016-йили вә униңдин илгири бирләшкән дөләтләр тәшкилати вә хәлқара җәмийәтниң агаһландуришиға қаримай, көп қетимбашқурулидиған бомба синиқи елип барған иди.

Пийоңяң даирилири хәлқара җәмийәтниң әйиблиши вә имбарголириға қарши өзиниң башқурулидиған бомба тәхникисини раваҗландурған.

Ким җунюн сөзидә йәнә шималий корийәниң һәрбий күчини көккә көтүрүп,“өткән йили шималий корийә дөләт мудапиәси,әмәлий күчи җәһәттә тарихий бурулушни әмәлгә ашурди, шималий корийә шәрқтики күчлук ядро дөлитигә вә һәрбий җәһәттин қудрәтлик дөләткә айланди” дегән.

Ким җунюн илгири өз һәрбий күчини дәбдәбә қилип, бир қанчә қетим җәнубий корийә қатарлиқ дөләтләрни агаһландурған иди.

У бу қетимқи сөзидә йәнә шимали корийәниң тунҗи қетим водрод бомбиси синиқи елип барғанлиқиниму тилға алған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт