Шималий корейә япон деңизиға башқурулидиған бомба қоюп бәрди

Мухбиримиз үмидвар
2017.02.12
Share on WhatsApp
Share on WhatsApp

Йәкшәнбә күни шимали корейә йәнә бир қетим башқурулидиған бомба синиқи елип барди. С н н теливизийәсиниң хәвәр қилишичә, җәнубий корейә һәрбий тәрәп шимали корийәниң 12-феврал күни япон деңизи тәрәпкә бир данә оттура мусапилик башқурулидиған бомба қоюп бәргәнлики вә мәзкур бомбиниң 500 километирлиқ мусапидин кейин деңизда партлиғанлиқини билдүргән.

Бу, америкада президенти доналд трамп вәзипигә олтурғандин буян шимали корийәниң биринчи қетим елип барған башқурулидиған бомба синиқи икән.

Шимали корийәниң мәзкур синиқиниң америка президенти трамп вә японийә баш вәзири шинзо абиниң америкада елип барған учришишлири мәзгилигә тоғра кәлгән болуп, президент трамп баш вәзир аби билән өткүзгән мухбирларни күтүвелиш йиғинида американиң йүз пирсәнт өз иттипақдиши японийә тәрәптә туридиғанлиқини билдүргән. Шинзо аби пийоңяңниң мәзкур башқурулидиған бомба синиқини тәнқид қилип “буни қәтий қобул қилғили болмайду” дегән. японийә баш вәзири мәһкимисиниң баш катипи йошиһида суга буниң “японийә вә районға қилинған иғвагәрчилик” икәнликини билдүргән.

Җәнубий корейә шимали корийәниң мәзкур башқурулидиған бомба синиқини әйиблигән болсиму әмма шималий корейә дәрһал инкас қайтурмиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.