Shimaliy koréye yapon déngizigha bashqurulidighan bomba qoyup berdi

Muxbirimiz ümidwar
2017-02-12
Share

Yekshenbe küni shimali koréye yene bir qétim bashqurulidighan bomba siniqi élip bardi. S n n téliwiziyesining xewer qilishiche, jenubiy koréye herbiy terep shimali koriyening 12-féwral küni yapon déngizi terepke bir dane ottura musapilik bashqurulidighan bomba qoyup bergenliki we mezkur bombining 500 kilométirliq musapidin kéyin déngizda partlighanliqini bildürgen.

Bu, amérikada prézidénti donald tramp wezipige olturghandin buyan shimali koriyening birinchi qétim élip barghan bashqurulidighan bomba siniqi iken.

Shimali koriyening mezkur siniqining amérika prézidénti tramp we yaponiye bash weziri shinzo abining amérikada élip barghan uchrishishliri mezgilige toghra kelgen bolup, prézidént tramp bash wezir abi bilen ötküzgen muxbirlarni kütüwélish yighinida amérikaning yüz pirsent öz ittipaqdishi yaponiye terepte turidighanliqini bildürgen. Shinzo abi piyongyangning mezkur bashqurulidighan bomba siniqini tenqid qilip "Buni qet'iy qobul qilghili bolmaydu" dégen. Yaponiye bash weziri mehkimisining bash katipi yoshihida suga buning "Yaponiye we rayon'gha qilin'ghan ighwagerchilik" ikenlikini bildürgen.

Jenubiy koréye shimali koriyening mezkur bashqurulidighan bomba siniqini eyibligen bolsimu emma shimaliy koréye derhal inkas qayturmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet