Шималий корийә җәнубий корийидики чәтәлликләрни чиқип кетишкә чақирди

Мухбиримиз ирадә
2013.04.09
Share on WhatsApp
Share on WhatsApp

Шималий корийә бүгүн җәнубий корийидики чәтәлликләрни чиқип кетишкә чақирди. Шималий корийә һөкүмәт даирилири сәйшәнбә күни баянат елан қилип, җәнубий корийә билән урушуп қалса, у йәрдики чәтәлликләрниң һаятиға капаләтлик қилалмайдиғанлиқи, шуңа уларниң җениға вә мал - мүлкигә зиян йетиштин авал җәнубий корийидин чиқип кетиши керәкликини билдүрди.

Шималий корийиниң җәнубий корийидә турушлуқ әлчиханилар, хәлқара ширкәтләр вә саяһәтчиләргә қилған чақириқиға қарита һазирчә әлчиханилардин һечқандақ җаваб кәлмиди.

Бир қанчә күндин буян җәнубий корийә вә японийә қатарлиқ дөләтләр шималий корийиниң йеқин вақит ичидә башқурулидиған бомба синиқи қилиши мумкинликини билдүрүп, буниңға қарши тәдбирлирини елишқа башлиған иди. Б б с ниң ейтишичә, японийә икки уруш кемисини шималий корийиниң башқурулидиған бомбилирини қариға елишқа тәйяр турушни буйриған. Чүнки уларниң қаришичә, шималий корийә синақ қилидиған башқурулидиған бомбилар японийә асминидин өтүп, тинч окянға чүшүши мумкин икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт