Shimaliy koriye jenubiy koriyidiki chet'elliklerni chiqip kétishke chaqirdi

Muxbirimiz irade
2013-04-09
Share

Shimaliy koriye bügün jenubiy koriyidiki chet'elliklerni chiqip kétishke chaqirdi. Shimaliy koriye hökümet da'iriliri seyshenbe küni bayanat élan qilip, jenubiy koriye bilen urushup qalsa, u yerdiki chet'elliklerning hayatigha kapaletlik qilalmaydighanliqi, shunga ularning jénigha we mal - mülkige ziyan yétishtin awal jenubiy koriyidin chiqip kétishi kéreklikini bildürdi.

Shimaliy koriyining jenubiy koriyide turushluq elchixanilar, xelq'ara shirketler we sayahetchilerge qilghan chaqiriqigha qarita hazirche elchixanilardin héchqandaq jawab kelmidi.

Bir qanche kündin buyan jenubiy koriye we yaponiye qatarliq döletler shimaliy koriyining yéqin waqit ichide bashqurulidighan bomba siniqi qilishi mumkinlikini bildürüp, buninggha qarshi tedbirlirini élishqa bashlighan idi. B b s ning éytishiche, yaponiye ikki urush kémisini shimaliy koriyining bashqurulidighan bombilirini qarigha élishqa teyyar turushni buyrighan. Chünki ularning qarishiche, shimaliy koriye sinaq qilidighan bashqurulidighan bombilar yaponiye asminidin ötüp, tinch okyan'gha chüshüshi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet