Shimali koriye bir neper amérika puqrasini tuqun qildi

Muxbirimiz ümidwar
2017-04-23
Share


Shimaliy koriye krizisi jiddiylik halitide turiwatqan bir peytte shimali koriye da'iriliri yekshenbe küni bir neper amérika puqrasini tutqun qilghan.

"Kim" famililiq mezkur amérika puqrasining esli kélip chiqishi jenubiy koriyelik bolup, u yekshenbe küni piyongyangdiki xelq'ara ayrodromda chégridin ötüsh aldida shimali koriye da'iriliri teripidin tutup kétilgen. 50-Yashlardiki mezkur amérika puqrasi xitaydiki yenbyen uniwérsitétining proféssori bolup, u shimali koriyege yardem bérish programmisi boyiche bir ayliqqa barghan iken.

B b s agéntliqining xewer qilishiche, bu xewer jenubiy koriye metbu'atlirida otturigha chiqqan bolsimu, emma jenubi koriye hökümet we shimali koriye terep téxi éniq bildürüsh élan qilmighan.

Emma hazirghiche üch neper amérika puqrasi shimali koriye teripidin qolgha élin'ghan bolup, ötken yili yanwarda, amérikiliq 21 yashliq istudént otto warmbi'ér shimali koriyege ziyaretke barghanda, qolgha élinip, 15 yilliq qamaqqa höküm qilin'ghan. Esli kélip chiqishi jenubiy koriyelik amérika puqrasi kim dongchu 2016-yili shimali koriyede jasusluq bilen eyiblinip 10 yilliq qamaqqa höküm qilin'ghan idi.

Melumki, shimali koriyening bashqurulidighan bomba sinaqlirini toxtitishni qattiq telep qilghan amérika terep 8-aril küni "Karil winson"namliq awi'atmatkisigha koriye yérim arili terepke yürüsh qilish buyruqi bergendin kéyin, piyonyang chong kölemde herbiy parat ötküzgen we arqidin 16-aprél küni yene bir qétim rakéta siniqi élip bérip meghlup bolghan shuningdek özlirining dawamliq rakéta siniqi élip baridighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet