Shimaliy koréye yéngi bashqurulidighan bomba siniqida meghlup bolghan

Muxbirimiz jüme
2017-04-29
Share


B d t da shimaliy koréye mesilisi muzakire qilinip uzun ötmey, shimaliy koréye yene bir bashqurulidighan bomba siniqi élip barghan bolsimu, emma meghlup bolghan.

Amérika we jenubiy koréye herbiy emeldarlirining axbaratqa ashkarilishiche, sinaq shu jay waqti shenbe küni etigende piyongyang ölkisidiki bir herbiy bazida élip bérilghan. Emma bomba qoyup bérilip bir nechche minuttin kéyin partlap ketken.

Jüme küni birleshken döletler teshkilati xewpsizlik kéngishi shimaliy koréye mesiliside jiddiy yighin chaqirghan. Yighinda amérika dölet ishlar ministiri réks tillérson shimaliy koréye bashqurulidighan bomba mesiliside dunyani agahlandurghan.

U, sé'ul we tokyoning yadro hujumigha uchrash xewpining bir ré'alliq ikenlikini, shimaliy koréyening amérikigha hujum qilish iqtidarigha érishishining peqet bir waqit mesilisi ikenlikini körsetken.

U mundaq dégen: "Dunyadiki eng jiddiy xewpsizlik mesilisini hel qilish üchün heriketke ötmisek, bu apet xaraktérlik aqiwetlerni élip kélishi mumkin."

U yene, eger shimaliy koréye bashqurulidighan bomba we yadro qoralliqini yashashni toxtatmisa, amérikining herbiy küch qollinishni öz ichige alghan barliq wasitilerni ishqa sélip, buninggha inkas qayturidighanliqi éytqan.

Halbuki, shimaliy koréye tillérsonning yuqiri agahlandurushidin bir nechche sa'ettin kéyinla yene bomba séni élip barghan.

Amérika prézidénti bu heqte twittérgha yollighan qisqa uchurida shimaliy koréyening mezkur bomba siniqining xitay prézidénti shi jinpingning kütkenlirige qilghan bir hörmetsizlik bolidighanliqini bildürgen.

Peyshenbe prézidént tramp shimaliy koréyening bashqurulidighan bomba we yadro qollar programmisi mesilisi tüpeyli shimaliy koréye bilen zor kölemlik toqunushqa kirip qélish éhtimalliqi barliqini bildürgen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet