Шимали корейә оттура мусапилиқ башқурулидиған бомба синиқи елип барди

Мухбиримиз үмидвар
2017.05.14


Бейҗиңда хитай һөкүмити “бир бәлвағ бир йол” хәлқаралиқ али рәһбәрләр йиғинини башлиған йәкшәнбә күни шимали корейә даирилири йәнә бир қетим башқурулидиған бомба синиқи елип барған.

Көзәткүчиләр мәзкур башқурулидиған бомбиниң бир хил йеңи типтики оттура мусапилиқ,башқурулидиған бомба икәнликини җәзимләштүргән.

Бу мунасивәт билән америка ақ сарайи баянат елан қилип, “бу қетимқи синақниң барлиқ дөләтләргә шималий корейәгә қарита техиму күчлүк имбарго қоллиниши үчүн сигнал болуши керәкликини”тәкитлигән.

Бу мунасивәт билән японийә вә җәнубий корейә дәрһал наразилиқ инкаси қайтуруп, буниң район үчүн зор хәвп икәнликини, йәни б д т ниң шимали корейәниң башқурулидиған бомба пиланиға аит қарарлириға хилап қилмиш икәнликини билдүргән.

Японийә дөләт мудапиә министири томоми инада йәкшәнбә күни бу мәсилидә тохтилип; буниң бир хил йеңи типтики башқурулидиған бомба болуши мумкинлики, буниң қоюп берилип, 30 минуттин кейин, йәни тәхминән 700 километирлиқ мусапидин кейин, япон деңизға чүшкәнликини билдүрүп,“бу хил тақ йоллуқ башқурулидиған бомбиниң қоюп берилиши дөлитимиз үчүн еғир тәһдит” дәп тәкитлигән.

Әмма, с н н телевизийәсиниң хәвәр қилишичә, бу қетим қоюп берилгән башқурулидиған бомба русийәниң владивосток шәһиридин 60 ингилиз мили нериға чүшкән болуп, америкиниң һавайи шитатидики тинч окян университетиниң бир профессори мәзкур синақниң йөнилишниң русийәгә бәкла йеқин болушини, “шимали корейәниң москва вә бейҗиңға бир сигнал беришкә урунушидин ибарәт” дәп тәһлил қилған.

Русийә кремил баянатчиси бейҗиңдики хәлқаралиқ йиғинда болуватқан президент путинниң мәзкур ракета синиқиниң вәзийәтниң техиму җидидийләштүриветишидин әндишә қилғанлиқини етйқан.

Хитай ташқи ишлар министирлиқи болса, хитайниң пйоңяңниң б д т бихәтәрлик кеңишиң һәр қайси қарарлириға хилаплиқ қилишиға қарши туридиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.