Shimali koréye ottura musapiliq bashqurulidighan bomba siniqi élip bardi
2017.05.14
Béyjingda xitay hökümiti “Bir belwagh bir yol” xelq'araliq ali rehberler yighinini bashlighan yekshenbe küni shimali koréye da'iriliri yene bir qétim bashqurulidighan bomba siniqi élip barghan.
Közetküchiler mezkur bashqurulidighan bombining bir xil yéngi tiptiki ottura musapiliq,bashqurulidighan bomba ikenlikini jezimleshtürgen.
Bu munasiwet bilen amérika aq sarayi bayanat élan qilip, “Bu qétimqi sinaqning barliq döletlerge shimaliy koréyege qarita téximu küchlük imbargo qollinishi üchün signal bolushi kéreklikini”tekitligen.
Bu munasiwet bilen yaponiye we jenubiy koréye derhal naraziliq inkasi qayturup, buning rayon üchün zor xewp ikenlikini, yeni b d t ning shimali koréyening bashqurulidighan bomba pilanigha a'it qararlirigha xilap qilmish ikenlikini bildürgen.
Yaponiye dölet mudapi'e ministiri tomomi inada yekshenbe küni bu mesilide toxtilip؛ buning bir xil yéngi tiptiki bashqurulidighan bomba bolushi mumkinliki, buning qoyup bérilip, 30 minuttin kéyin, yeni texminen 700 kilométirliq musapidin kéyin, yapon déngizgha chüshkenlikini bildürüp,“Bu xil taq yolluq bashqurulidighan bombining qoyup bérilishi dölitimiz üchün éghir tehdit” dep tekitligen.
Emma, s n n téléwiziyesining xewer qilishiche, bu qétim qoyup bérilgen bashqurulidighan bomba rusiyening wladiwostok shehiridin 60 in'giliz mili nérigha chüshken bolup, amérikining hawayi shitatidiki tinch okyan uniwérsitétining bir proféssori mezkur sinaqning yönilishning rusiyege bekla yéqin bolushini, “Shimali koréyening moskwa we béyjinggha bir signal bérishke urunushidin ibaret” dep tehlil qilghan.
Rusiye krémil bayanatchisi béyjingdiki xelq'araliq yighinda boluwatqan prézidént putinning mezkur rakéta siniqining weziyetning téximu jididiyleshtüriwétishidin endishe qilghanliqini étyqan.
Xitay tashqi ishlar ministirliqi bolsa, xitayning pyongyangning b d t bixeterlik kéngishing her qaysi qararlirigha xilapliq qilishigha qarshi turidighanliqini bildürgen.