Amérika shimali koréyege qarshi yene bir awi'amatkisini atlandurdi

Muxbirimiz ümidwar
2017-05-29
Share

Amérika qoshma shtatliri shimali koréyening yadro sinaqlirini chekleshni nishan qilip, özining yene bir awi'amatkisini gherbiy tinch okyan rayonigha atlandurghan.

Amérika awazining xewer qilishiche, "Nimits"dep atalghan amérika déngiz armiyesining eng chong awi'amatkiliridin biri koréye yérim arili yénidiki déngiz rayonigha atlandurulghan bolup, buningdin ilgiri "Karil winson", "Ronald régan" awi'amatkiliri gherbiy tinch okyandiki közligen jaygha yétip kelgen idi. Shuningdek mezkur üch chong awi'atmatka oxshash rayon'gha orunlashturilidiken.

Melumki, yéqinqi waqitlardin buyan shimali koréyening b d t bixeterlik kéngishi we amérika qoshma shitatliri hökümitining naraziliqigha qarimastin özining bashqurulidighan bomba sinaqliri we yadro programmilirini kücheytishni izchil dawamlashturghan shuningdek prézidént tramp piyongyanggha izchil agahlandurush bérip kelgen idi.

Xewerde déyilishiche, ötken jüme küni amérika prézidénti donald tramp "G-7", yeni "Yette dölet guruhi"gha ezagha döletler bashliqliri yighini jeryanida yaponiye bash weziri shinzo abé bilen yanmu yan olturup, amérikining "Shimali koréye mesilisige alahide diqqitini bölidighanliqi"ni tekitligen idi.Shu küni aq saray yene amérika we yaponiye rehberlirining shimali koréyege qarshi imbargoni kücheytishke pütüshkenlikini bildürgen idi.

Piyongyang téxi ötken yekshenbe küni, 21-may küni yene bir qétim bashqurulidighan bomba siniqi élip barghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet