Пйоңяң шималий корийиниң иқтисадий сияситиниң өзгәрмәйдиғанлиқини билдүрди

Мухбиримиз үмидвар
2013-12-15
Елхәт
Пикир
Share
Принт

Йәкшәнбә күни шималий корийә һөкүмитиниң бир нәпәр юқири дәриҗилик әмәлдари шималий корийә һакимийитидики иккинчи номурлуқ шәхс, йәни һазирқи шималий корийә рәһбири ким чоңюнниң һаммисиниң ери чаң соңзиниң өлүмгә мәһкум қилинип, иҗра қилинишиниң шималий корийиниң иқтисадий ислаһат пиланиға, йәни чәтәл мәблиғини җәлп қилиш вә башқа иқтисадий ишларға тәсир көрсәтмәйдиғанлиқини әскәртти.

Мәзкур әмәлдар бу сөзни бирләшмә агентлиқиниң зияритини қобул қилғанда ейтқан.

Б б с агентлиқиниң хәвәр қилишичә, өткән җүмә күни өлтүрүлгән шималий корийиниң иккинчи номурлуқ әмәлдари чаң соңзи әслидә шималий корийиниң иқтисадий ислаһат тәрғибатчиси вә иқтисадий ислаһат лайиһисини бекитиштики һәл қилғуч шәхс иди. Чаң соңзи дөләтни ағдуруш суйиқәсти билән әйиблинип, тутқун қилинған һәмдә өлүмгә һөкүм қилип иҗра қилинған иди.

Чаң соңзи ким ерсинниң қизи, йәни сабиқ шималий корийә рәһбири ким чуңерниң сиңлисигә өйләнгән болуп, у шималий корийә дөләт мудапиә комитетиниң муавин рәисилик вәзиписини атқурған. У, 2012 - йили, шималий корийә вәкиллирини башлап, хитайни зиярәт қилип, хитай билән болған иқтисади вә сиясий һәмкарлиқни күчәйтиштә алаһидә күч чиқарған иди.

Пикирләр (0)
Share
Толуқ бәт