Shimaliy koriye bir neper amérika puqrasigha 15 yilliq éghir emgek jazasi berdi

Bügün shimaliy koriye da'iriliri bir neper amérika puqrasigha shimaliy koriyige qarshi heriket qildi, dégen jinayetni békitip, 15 yilliq éghir emgek jazasigha höküm qildi. Esli koriyilik bolghan amérika wetendishi piyünxo ötken yili 11 - ayda shimaliy koriyige sayahetke barghanda qolgha élin'ghan.

Bügün amérika dölet ishliri ministirliqi bayanat élan qilip, shimaliy koriyini amérika puqrasini derhal qoyup bérishke chaqirdi.

B b s ning éytishiche, jenubiy koriye da'iriliri “Piyunxo shimaliy koriyidiki acharchiliqni yorutup béridighan körünüshlerni, bolupmu achliqta qalghan balilarni resimge alghanliqi üchün qolgha élin'ghan bolushi mumkin” dep qaraydiken.

B d t ning téxi yéqindila shimaliy koriyige qoyulghan jaza tedbirlirini ashurushi we shundaqla amérika - jenubiy koriye ikki döletning birlikte herbiy manéwirlarni ötküzüshi shimaliy koriye da'irilirini bi'aram qilghan idi. B b s ning éytishiche, közetküchiler shimaliy koriye bu amérika puqrasini amérikigha bésim qilish üchün ishlitishi mumkin, dep qaraydiken.