Тимоси гирос: хитайниң аталмиш "шинҗаң синипи" сиясити мәғлуп болди

Мухбиримиз нуриман
2020-05-27
Share

Индиана шитати терре хавте шәһиридики роз-хулман технологийә институтиниң хитай тәтқиқати профессори тимоси гросниң  "хитайдики сүлһи қелиниватқан айрилалмаслиқ: шинҗаң синипи вә уйғур кимлкиниң һәрикәтчанлиқи" намлиқ китаби хоңкоң университити нәширияти тәрипидин нәшир қилинди.

2000-Йили хтай һөкүмити аталмиш "шинҗаң синипи" ға мунасивәтлик икки муһим һөҗҗәт, йәни маарип министирлиқиниң "шинҗаң синипи хизмәт йиғини хуласиси" билән "шинҗаң синипиниң мәмурий тәртипи" дин ибарәт икки һөҗҗәтни тәйярлиған иди.

Мәзкур һөҗҗәттә аталмиш "шинҗаң синипи" ниң "хитай компартийәсиниң рәһбәрликими һимайә қилидиған, хитайни сөйидиған, сотсиялизмни сөйидиған, хитайниң бирликини қоғдайдиған бир түркүм уйғур яшлирини тәрбийәләп чиқиш" тин ибарәт түп мәқсити ениқ оттуриға қоюлған иди.

Тимоси гирос йеқинда нәшир қилинған бу китабида хитайниң "шинҗаң синипи" маарип пиланиниң мәғлуб болғанлиқини инчикә тәкшүрүшләр вә һөҗҗәтлик материялларға тайнип туруп оттуриға қойған. У китабида көп сандики уйғур оқуғучиларниң "шинҗаң синипи" ни яқтурмайдиғанлиқини, бу синипларда оқуш җәрянида хитай чот соққандәк уйғур оқуғучиларниң "каллисиниң ююлмиғанлиқи" ни, уйғур оқуғучиларниң бу мәктәбләрни түрмигә охшитидиғанлиқини тилға алған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт