Shinzu abé sénkaku arilini xitaydin qoghdaydighanliqini bildürdi

Yaponiye bash weziri shinzu abi charshenbe küni okinawa nahiyisining ishigaki arilida turushluq sénkaku arilini saqlawatqan yaponiye déngiz qoghdighuchi etritini ziyaret qilip, sénkaku arilining yaponiye zémini ikenlikini we uni qoghdaydighanliqini bildürgen.

U, déngiz qoghdighuchi etritige qilghan sözide, yaponiye déngiz tewelikining bixeterlik weziyiti barghanséri yamanliship kétiwatqanliqini bildürüp, xitay kémilirining dawamliq sénkaku arili etrapigha üsüp kiriwatqanliqini tekitligen.

U, sénkaku arili tarixiy we xelq'ara qanun jehetlerde shek-shübhisiz yaponiyining bir qismi dep körsitip, yaponiyining quruqluq, déngiz we hawa térritoriyisini dawamliq qoghdighanliqini bildürgen.

Shinzu abé sénkaku arilini qoghdighuchi déngiz etritini ziyaret qilghan shu küni xitay tashqi ishlar aq tashliq kitabi élan qilip, yaponiyini tenqid qilghan. Aq tashliq kitabta, yaponiyining sénkaku arilini dölet ilkige ötküzüwélip, junggoning zémin we déngiz igilik hoquqigha éghir tajawuz qilghanliqini, junggoning buninggha qarshi ünümlük tedbirlerni qollinip, zémin we déngiz igilik hoquqini qoghdaydighanliqini ilgiri sürgen.