Шветсарийәниң хитай билән қанунсиз көчмәнләр келишими имзалашни сөзлишиватқанлиқи әндишә қозғиди

Мухбиримиз әркин
2020-08-28
Share

Шветсарийәниң хитай билән хитай даирилириниң шветсарийәгә келип, қанунсиз көчмәнләрни сорақ қилишиға йол қоюш тоғриисидики бир келишим һәққидә сөзлишиватқанлиқи әндишә қозғиди. Шветсарийә көчмәнләр секритариятиниң баянатчиси дәниял бах 26-авғуст" кейстон-сда хәвәр агентлиқи "ға қилған сөзидә бу келишимни дәлилләп, бундақ ишниң явропадики башқа дөләтләрдиму омумлашқанлиқи, светсарийәниң 60 дәк дөләт билән бундақ келишими барлиқини билдүргән.

Шветсарийәниң хитай билән бу келишим һәққидә сөзлишиватқанлиқи кишилик һоқуқ тәшкилатлирида әндишә қозғиған. Көзәткүчиләрниң қаришичә, шветсарийәгә берип панаһлиқ тиләйдиған уйғур көп болмисиму, лекин бу шветсарийәдин панаһлиқ тиләшни ойлайдиған уйғурларға нисбәтән йошурун хәвп икән.

Шветсарийәдики" NZZ am Sonntag "гезити өткән һәптә шветсарийәниң хитай билән 2015-йили имзаланған келишимни йеңилаш һәққидә сөһбәт елип бериватқанлиқини билдүргән. Мәзкур гезитниң хәвиридә тәкитлинишичә, йеңи келишимдә хитай даирилириниң шветсарийәгә келип, қанунсиз көчмәнләрни җүмлидин сиясий панаһлиқ илтимаси рәт қилинған вә рәсмийәтсиз кишиләрни сорақ қилишиға йол қоюлғаникән.

Дәниял бах, бу келишимдә хитай даирилиригә шветсарийәдә 14 күн туруш визиси берилип, уларни турушлуқ җай билән тәминләйдиғанлиқи, уларниң шветсарийә хитайға қайтуралмайватқан қанунсиз хитай көчмәнлирини қайтуруп кетидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт