Shwétsariyening xitay bilen qanunsiz köchmenler kélishimi imzalashni sözlishiwatqanliqi endishe qozghidi

Muxbirimiz erkin
2020-08-28
Share

Shwétsariyening xitay bilen xitay da'irilirining shwétsariyege kélip, qanunsiz köchmenlerni soraq qilishigha yol qoyush toghri'isidiki bir kélishim heqqide sözlishiwatqanliqi endishe qozghidi. Shwétsariye köchmenler sékritariyatining bayanatchisi deniyal bax 26-awghust" kéyston-sda xewer agéntliqi "Gha qilghan sözide bu kélishimni delillep, bundaq ishning yawropadiki bashqa döletlerdimu omumlashqanliqi, swétsariyening 60 dek dölet bilen bundaq kélishimi barliqini bildürgen.

Shwétsariyening xitay bilen bu kélishim heqqide sözlishiwatqanliqi kishilik hoquq teshkilatlirida endishe qozghighan. Közetküchilerning qarishiche, shwétsariyege bérip panahliq tileydighan Uyghur köp bolmisimu, lékin bu shwétsariyedin panahliq tileshni oylaydighan Uyghurlargha nisbeten yoshurun xewp iken.

Shwétsariyediki" NZZ am Sonntag "Géziti ötken hepte shwétsariyening xitay bilen 2015-yili imzalan'ghan kélishimni yéngilash heqqide söhbet élip bériwatqanliqini bildürgen. Mezkur gézitning xewiride tekitlinishiche, yéngi kélishimde xitay da'irilirining shwétsariyege kélip, qanunsiz köchmenlerni jümlidin siyasiy panahliq iltimasi ret qilin'ghan we resmiyetsiz kishilerni soraq qilishigha yol qoyulghaniken.

Deniyal bax, bu kélishimde xitay da'irilirige shwétsariyede 14 kün turush wizisi bérilip, ularni turushluq jay bilen teminleydighanliqi, ularning shwétsariye xitaygha qayturalmaywatqan qanunsiz xitay köchmenlirini qayturup kétidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.