Кәлгүси бирқанчә күндә уйғур аптонум райони күчлүк соғуқ һаваниң тәсиригә учрайдикән

Мухбиримиз қутлан
2017-02-04
Share


Игилинишичә, хитайниң чаған байрими ахирлишиши билән уйғур елиниң шималий вә шәрқидики районлар күчлүк соғуқ һаваниң тәсиригә учрайдикән.

Хәлқ ториниң бу һәқтики хәвиригә қариғанда, 4-феваралдин башлап, пүтүн аптоном район даирисидә кәң көләмдә температура төвәнләш, қар йеғиш вә шивирғанлиқ һава райи көрүлидикән.

Хәвәрдә дейилишичә, соғуқ һава тәсиридин қатнаш-тиранспорти бирқәдәр зор тәсиргә учрайдикән. Болупму уйғур елиниң шималий вә шәрқий районлирида қар шивирғанлиқ һава райи көрүлүп, қатнаш тохтап қелиш әһваллири йүз бериши мумкинкән.

Уйғур аптоном районлуқ метеорологийә идарисиниң алдин мәлуматиға қариғанда, қар тохтиғандин кейин, уйғур елиниң шималидики районларда температора сәккиз селсийә гирадус төвәнләйдикән.

Үрүмчи райониму бу қетимлиқ соғуқ һаваниң күчлүк тәсиригә учрайдикән. 4-Феврал кечидин башлап, температура бирақла төвәнләп, мәркизий шәһәр райониниң температориси нөлдин төвән 18 селсийә гирадусқа чүшиши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт