Kelgüsi birqanche künde Uyghur aptonum rayoni küchlük soghuq hawaning tesirige uchraydiken

Muxbirimiz qutlan
2017-02-04
Élxet
Pikir
Share
Print


Igilinishiche, xitayning chaghan bayrimi axirlishishi bilen Uyghur élining shimaliy we sherqidiki rayonlar küchlük soghuq hawaning tesirige uchraydiken.

Xelq torining bu heqtiki xewirige qarighanda, 4-féwaraldin bashlap, pütün aptonom rayon da'iriside keng kölemde témpératura töwenlesh, qar yéghish we shiwirghanliq hawa rayi körülidiken.

Xewerde déyilishiche, soghuq hawa tesiridin qatnash-tiransporti birqeder zor tesirge uchraydiken. Bolupmu Uyghur élining shimaliy we sherqiy rayonlirida qar shiwirghanliq hawa rayi körülüp, qatnash toxtap qélish ehwalliri yüz bérishi mumkinken.

Uyghur aptonom rayonluq mété'orologiye idarisining aldin melumatigha qarighanda, qar toxtighandin kéyin, Uyghur élining shimalidiki rayonlarda témpératora sekkiz sélsiye giradus töwenleydiken.

Ürümchi rayonimu bu qétimliq soghuq hawaning küchlük tesirige uchraydiken. 4-Féwral kéchidin bashlap, témpératura biraqla töwenlep, merkiziy sheher rayonining témpératorisi nöldin töwen 18 sélsiye giradusqa chüshishi mumkin iken.

Toluq bet