Xelq'ara zhurnalistlar birliki shöhret zakirgha chaqiriq élan qildi

Muxbirimiz irade
2017-03-09
Élxet
Pikir
Hembehr
Print
  • Print
  • Hembehr
  • Pikir
  • Élxet

Merkizi firansiyediki "xelq'ara zhurnalistlar birliki" bayanat élan qilip, uyghur aptonom rayonning re'isi shöhret zakirni uyghur élidiki saqchilarning hoquqni suyi'istémal qilish ehwalini tekshürüshke chaqirdi.

Mezkur organ peyshenbe küni élan qilghan bayanatida, uyghur aptonom rayon da'irilirining xitayning térrorluqqa qarshi turush qanunining 50-babidiki térrorluqni mezmun qilghan tor betlerge kirgen , u yerdiki mezmunlarni körgen, tarqatqan we chüshürgenlerni jazalash heqqidiki maddilargha asasen, özliri yaqturmaydighan chet'el tor betlirige chiqqan tordashlarni tutqun qilip, jazalawatqanliqini tenqid qilghan we buninggha intérnéttiki w p n programmisini qollinish arqiliq erkin asiya radi'osining tor bétige kirip radi'o anglighanliqi üchün tutqun qilin'ghan ming jüntawning ehwalini misal qilip körsetken.

Melum bolushiche, ming jüntaw uyghur aptonom rayonluq saqchi da'iriliri teripidin 15 kündin béri tutup turuluwatqan bolup, istansimiz muxbirliri uning ehwalini igilep béqish üchün téléfon qilghanda saqchi muxbirimizgha : "muxbirlarning bu heqte so'al sorash hoquqi yoq" dep jawab bergen.

Xelq'ara zhurnalistlar birliki saqchining sözini tenqid qilip, "mana bu uyghur rayonidiki saqchilarning axbaratning heqiqiy menisini chüshenmeydighanliqini we ularning hökümet wezipisini ijra qilishtiki usulining qandaqliqini körsitip turmaqta" dégen. Ular bayanatta, xitay asasiy qanunida xelqning axbaratqa érishish erkinliki, axbarat-uchur erkinliki qeyt qilin'ghanliqini eskertip, shöhret zakirni saqchilarning öz hoquqini suyi'istémal qilish mesilini tekshürüsh bilen birge ming jüntawning ehwalini sürüshte qilishqa chaqirghan.

Toluq bet