Teyinlen'gen re'is shöhret zakir muhajirlar xizmitining "Kichik ish" emeslikini tekitligen

Muxbirimiz shöhret hoshur
2016-08-12
Élxet
Pikir
Share
Print


Uyghur aptonom rayonluq hökümetning teyinlen'gen re'isi shöhret zakir, tünügün muhajirlar xizmiti heqqide söz qilip rayondiki muhajirlar xizmitining adettiki yeni kichik bir ish emeslikini tekitligen. Tengritagh torining bügünki bu heqtiki xewiride yene bayan qilinishiche, shöhret zakir bu heqte yol körsitip, muhajirlar xizmitini döletning bixeterliki we jem'iyet muqimliqigha biwaste munasiwetlik dep chüshinishni we ebediy eminlik ghayisi bilen birleshtürüshni eskertken.

Közetküchilerning qarishiche, Uyghur rayonida muhajirlar xizmitige sezgür mu'amile qilish yéngi ehwal emes, bu xizmet teyinlen'gen sabiq re'is nur bekri dewridimu oxshash jiddiy qaralghan, ijtima'iy axbarat wastiliride ilgiri xewer qilinishiche, Uyghur aptonom rayonluq tashqi ishlar idarisining muzepper qatarliq sadiq xizmetchiliri amérika, türkiye we se'udi erebistan qatarliq döletlerge ömek bashlap bérip, shu jaydiki bir türküm Uyghur muhajirlarni özige tartishqa, xitay kompartiyisi üchün xizmet qilishqa we Uyghur milliy herikitige tosqunluq peyda qilishqa ündigen bolsimu, emeliy netijige érishelmgen.

Toluq bet