Шөһрәт закир қәшқәр қатарлиқ җайларда муқимлиқни қоғдашни тәкитлиди

Мухбиримиз үмидвар
2015.05.31
Share on WhatsApp
Share on WhatsApp


Уйғур аптоном районлуқ һөкүмәтниң рәиси шөһрәт закир 28 - 30 - май күнлири тәңри тағлириниң җәнубидики қәшқәр вә қизилсу тәвәсидә мәхсус тәкшүрүштә болуп, бир қисим орунларни зиярәт қилип учришишлар өткүзүп, хитай һокүмитиниң нөвәттики диний әсәбийликкә зәрбә бериш вә милләтләр хизмитигә аит сиясий тәдбирлириниң әмәлийлишиш әһвалини көздин кәчүргән.

Шинхуа торидики бу һәқтики хәвәрдә көрситилишичә, шөһрәт закир үч күнлүки зиярәт җәрянида ақту наһийисиниң барин йезисида болған.

Мәлумки. Мәзкур барин йезиси 1990 - йили мәшһур барин вәқәси йүз бәргән җай болуп, бу йил 4 - айда бу вәқәгә 25 йил тошқан иди.

Шөһрәт закир йәнә йеңидин қурулған қәшқәр университети, қәшқәр иқтисадий ечиветиш райони қатарлиқ җайларни тәкшүргән.

Учурлардин мәлум болушичә шөһрәт закирниң һәммила йәрдә тәкитлигини “диний ашқунлуққа зәрбә бериш” тәшвиқати, қош тил маарипи вә милләтләр иттипақи қатарлиқни күчәйтиш шуниңдәк “ иҗтимаий сияси чоң муқимлиқни қәтий қоғдаш”дегәнләрдин ибрәттур,

Шөһрәт закирниң қәшқәр тәвәсидә елип барған бу паалийәтлиридә уйғур аптоном райониниң муавин рәиси әркин тунияз биргә болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.