Русийә тәбиәткә қоюп бәргән сибирийә йолвиси хитайда овлинип кетиш хәвпигә дуч кәлгән

Мухбиримиз җүмә
2014-10-11
Елхәт
Пикир
Share
Принт


«Ню - йорк вақит гезити» ниң хәвәр қилишичә, русийә даирилири тәбиәткә қоюп бәргән сибирийә йолвиси амур дәрясидин өтүп хитайға қарап кәткән. Бу мәзкур йолвасни көзитиватқан хадимларниң әндишисини қозғиған. Уларниң билдүрүшичә, әгәр бу йолвас хитай тәрәптә туруп қалса овлинип кетиш хәвпигә дуч келидикән.

«Кузя» дәп нам берилгән, 23 айлиқ сибирийә йолвисиң беқилиши вә тәбиәткә қоюп берилишигә русийә президенти путинму арилашқан болуп, бу йолвас «путинниң йолвиси» дәпму атилидикән.

Нөвәттә мәзкур йолвасни көзитиватқан хадимлар йолвасни хитай тәрәп билән һәмкарлишип радио сигнали арқилиқ из қоғлап тәкшүрүшкә башлиған.

Мәлум болушичә, хитайдики қараңғу базарда сибирийә йолвиси көп пулға ярайдиған болуп, бу мәзкур йолвасниң овлинип кетиш хәвпини ашуридикән.

Бир қисим хитай блогчиларму мәзкур йолвасқа көңүл бөлүшкә башлиған.

Бир блогчи мундақ язған: «бу бичарә йолвасниң бай әмәлдарниң өйидики паласқа айлинип кетишигә қанчә узун қалғанду.»

Мәлум болушичә, хәтәр астидики сибирийә йолвисини қоғдаш хизмитиниң күчийишигә қаримай һәр йили 40 тин артуқ сибирийә йолвиси овлинип, хитай тебабитиниң ретсепиға айлинип кетидикән.

Пикирләр (0)
Share
Толуқ бәт